3 மாத குழந்தை வளர்ப்பு

3 மாத குழந்தை வளர்ப்பு: உங்கள் குழந்தை அதிக வளைவுத் தன்மையைப் பெறுகின்றது. தன் விரல்களை திறப்பதையும் மூடுவதையும், கைகளை தட்டுவதையும் அவன் விரும்பலாம்.

உங்கள் குழந்தையின் நகைச்சுவை உணர்வும் வளர்ந்துகொண்டு இருக்கிறது. அவனுக்கு கிச்சுகிச்சு மூட்டுவதும், அவன் வயிற்றில் மூக்கை வைத்து முத்தமிடுவதும் அவன் சிரிக்கும்படி செய்யக்கூடும்.

பிறந்ததில் இருந்தே, தொடப்படுவதை உங்கள் குழந்தை விரும்பும். அவனுடைய வளர்ச்சிக்கும் முன்னேற்றத்திற்கும் அது முக்கியம். குளித்தவுடன் அவனுக்கு மசாஜ் செய்யுங்கள் அல்லது அவன் உறங்குவதற்கு முன்பாக நன்றாக நீண்ட நேரம் கட்டிப்பிடிப்பது உங்கள் இருவருக்குமே நலமாக அமையும்.

குழந்தை வளர்ப்பு : மூன்றாம் மாதம்

சும்மா விளையாடுவது உங்கள் குழந்தையின் மூளை வளர்ச்சிக்கு உதவும். அவனுடைய மூளை வளரும்போது, அவன் அதிக ஆர்வம் அடைகிறான். தன்னால் பிடித்து, அசைக்கக்கூடிய ஒரு சிறிய பொம்மையை வைத்து அவன் விளையாடலாம். அவன் நிறம், வடிவம் மற்றும் அளவையும் கூட கற்றுக்கொள்ளலாம். ஒரு விளையாட்டுப் பொருள் ஏற்படுத்தும் சத்தத்தில் இருந்தும், அது மென்மையாக இருக்கிறதா அல்லது கடினமாக இருக்கிறதா என்பதில் இருந்தும் அவன் கற்றுக்கொள்கிறான்.

உங்கள் குழந்தைக்கு விளையாட பிடிக்கும்

வேடிக்கையான முகபாவனைகளை செய்யும்போது உங்கள் குழந்தை சிரிக்கவும் புன்னகைக்கவும் தொடங்கும், அதிகமான கோமாளித்தனத்தை அவள் விரும்புவாள். அதிகமான சத்தங்களை கேட்கவும் அவள் விரும்புவாள். உங்கள் நாக்கை அசையுங்கள், விசிலடியுங்கள் அல்லது மிருகங்களின் சத்தங்களை ஏற்படுத்துங்கள். அவள் அதை விரும்புவாள்.

என் குழந்தை நன்றாக வளர்கிறதா?

நன்றாக வளர்கின்ற ஒரு குழந்தை சுறுசுறுப்பாகவும், ஆற்றல் நிறைந்தும் காணப்படும் மற்றும் விளையாட விரும்பும்.

குழந்தை உங்களை நேராகப் பார்க்கிறதா? அது உங்களைப் பார்த்து புன்னகைக்கவும்கூடும்! எனவே குழந்தையால் நன்றாகப் பார்க்க முடிகிறதென்று நீங்கள் தெரிந்து கொள்கிறீர்கள்.

நீங்கள் குழந்தையைத் தூக்கும்போது, அது எத்தனை கனமாக ஆகிக் கொண்டு வருகிறது என்பதை நீங்கள் கவனித்திருக்கிறீர்களா? அது நன்றாகச் சாப்பிடுவதையே இது குறிக்கிறது.

புதிய சத்தங்களைக் கேட்டு குழந்தை திரும்புகிறதா? அப்படியானால் அதனால் நன்றாகக் கேட்க முடிகிறது.

உங்கள் குழந்தைக்கு தூக்கம் வந்து கொண்டேயிருந்தால், ஆற்றல் இல்லாமலும், விளையாட விரும்பாலும் இருந்தால், பிரச்னை என்ன என்பதைத் தெரிந்து கொள்வதற்காக அதனை ஓர் மருத்துவரிடம் நீங்கள் கொண்டு செல்வது முக்கியமாகும்.

உங்கள் குழந்தை உடல்நலமின்றி இருந்தாலோ அல்லது உங்களுக்கு அதனைப் பற்றிய கவலை இருந்தாலோ, அதன் கையின் மேற்புறத்தை ஒவ்வொரு மாதமும் ஒரு நூலினால் அளந்து பாருங்கள். அடுத்த முறை நீங்கள் அளக்கும்போது, குழந்தை எந்த அளவிற்கு வளர்ந்துள்ளது என்பதை நீங்கள் அறிந்து கொள்ள ஏதுவாக, நூலில் குறியிடுங்கள். அதனுடைய கை பெரிதாகுமானால், குழந்தை வளர்கிறது. கை அதே அளவில் இருந்தால் அல்லது சிறிதானால், அதற்கு நிறைய உணவு தேவை.

மருத்துவரிடம் தொடர்ந்து சோதித்துக் கொள்வது, குழந்தை நன்றாக வளர்வதை நீங்கள் உறுதி செய்து கொள்ள உதவும். எடையை அளவிடுவதற்காக, சில மாதங்களுக்கு ஒருமுறை குழந்தையை அழைத்துச் செல்ல முயற்சி செய்யுங்கள். நீங்கள் செல்லும்போது, உங்களுக்கு ஏதாவது கேள்விகள் கேட்க வேண்டியிருந்தால், அவற்றையும் கேட்டுக கொள்ளலாம். 1வது வருகையின்போது உங்கள் கேள்விகளை எல்லாவற்றையும் கேட்க முயற்சி செய்யுங்கள். இது உங்கள் நேரத்தை மிச்சமாக்கும்.

குழந்தை எப்போது புரளும்?

புரள்வது என்பது, குழந்தை மல்லாந்து படுத்த நிலையிலிருந்து புரண்டு குப்புறத் திரும்புவதும், குப்புறப் படுத்த நிலையிலிருந்து புரண்டு மல்லாக்கத் திரும்புவதும் ஆகும்.

குழந்தைக்கு 6 அல்லது 7 மாதங்களாகி, அதன் கழுத்து மற்றும் கை தசைகள் வலுவடையும்போது, அது புரளக்கூடும்.

உங்கள் குழந்தையை சுமார் 3 மாதங்களில் நீங்கள் குப்புறப் படுக்க வைத்தால், அதனால் தனது தலையைத் தூக்கவும், தனது கைகளைப் பயன்படுத்தி, தரையிலிருந்து தோள்களை உயர்த்தவும் முடியலாம். இது புரள்வதற்கு குழந்தையைத் தயார் செய்கிறது.

உங்கள் குழந்தையுடன் விளையாடுவதன் மூலம், அதற்கு நீங்கள் ஊக்கமளிக்கலாம். அதனைக் குப்புறப் படுக்க வைத்துவிட்டு, அதன் ஒரு பக்கத்திலிருந்து ஒரு பொம்மையை ஆட்டிக் காண்பியுங்கள். குழந்தையால் பொம்மையை நோக்கி புரள முடிந்தால், புன்னகைத்து, “அடிச்சக்கை!” என்று சொல்லுங்கள்.

உங்கள் குழந்தை எப்போது புரளத் தொடங்கும் என்பது உங்களுக்குத் தெரியாது. பாதுகாப்பாக இருப்பதற்கு, குழந்தையைத் தனியாக படுக்கையிலோ அல்லது கீழே விழுந்து தன்னைக் காயப்படுத்திக் கொள்ளக்கூடிய வேறு ஏதேனும் இடத்திலோ தனியாக விட்டுச் செல்லாதீர்கள்.

உங்கள் குழந்தை 7 மாதங்களாகியும் புரளாவிட்டால், நீங்கள் ஒரு மருத்துவரிடம் பேசலாம். ஆனால் ரொம்பவும் கவலைப்பட வேண்டாம்: குழந்தைகள் திறன்களை பலவிதங்களிலும் கற்றுக் கொள்கின்றன, சிலர் மற்றவர்களைக் காட்டிலும் வேகமாகக் கற்கின்றனர்.

என் குழந்தையால் பிடித்துக் கொள்ள முடிகிறது!

பொருட்களுடன் விளையாடுவது உங்கள் குழந்தைக்கு குதூகலத்தை அளித்தாலும், அது குழந்தையின் மனம்சார்ந்த மற்றும் உடல்சார்ந்த திறன்களை வளர்க்க அதற்கு உதவுகிறது.

பொருட்களை எப்படிப் பிடித்துக் கொள்வது என்பதைக் கற்பது, உங்கள் குழந்தைக்கு விளையாட்டின் ஒரு புதிய உலகை திறக்கிறது. இது, உங்கள் குழந்தை சாப்பிடுதல், பல் துலக்குதல், படித்தல், எழுதுதல் மற்றும் வேலைகளைச் செய்தல் போன்று தானாகவே பல செயல்களைச் செய்வதற்கான முதல் படியாகும்.

பிறப்பிலிருந்தே பற்றிக் கொள்கின்ற ஒரு வலிமையான உள்ளுணர்வை உங்கள் குழந்தை கொண்டுள்ளது. முதலில் சுவாரசியமான பொருட்களைப் பார்ப்பதால் மட்டுமே அது மகிழ்ச்சியடைகிறது, ஆனால் விரைவிலேயே அவற்றைப் பற்றிக் கொள்ள அது விரும்புகிறது. அதற்கு 3 மாதங்கள் ஆகும்போது இத்திறனை அது பயன்படுத்தத் தொடங்குகிறது.

இத்திறனை உங்கள் குழந்தை கற்க உதவுவதற்கு வண்ண மயமான பொருட்கள் சிறந்தவை. குழந்தையின் கைக்கெட்டும் தூரத்தில் ஒரு பொருளைத் தொங்கவிட்டு வேடிக்கை காட்டுங்கள். குழந்தை அதை எட்டிப் பிடிக்க முயல்வதைக் கண்டு ரசியுங்கள்!

வேறுபட்ட தொடு உணர்வு கொண்ட பொருட்கள் மற்றும் பொம்மைகள் ஆராய்வதற்கு சிறந்தவை. மென்மையானது மற்றும் கடினமாதற்கிடையே உள்ள வேறுபாடு, உங்கள் குழந்தையின் புலன்களைத் தூண்ட உதவும். மிருதுவான பொருட்களால் ஆன பாதுகாப்பான பொம்மைகளை உங்கள் குழந்தைக்கு விளையாடக் கொடுங்கள்.

உங்கள் குழந்தைக்கு சுமார் 5 மாதங்களாகும்போது, பொருட்களைத் தனது வாயில் போடுவதன் மூலம் அது ஆராய முற்படும். இது இயற்கையானது மற்றும் இது உங்கள் குழந்தை கற்பதற்கு உதவுகிறது.

குழந்தை தனது வாயில் போடுவதற்குப் பாதுகாப்பாக உள்ள பொருட்கள் அல்லது பொம்மைகளைத் தேர்ந்தெடுங்கள். அவை சுத்தம் செய்வதற்கு சுலபமானவையாக, கூர்மையான முனைகள், நூல்கள் அல்லது சிறு துண்டுகள் இல்லாதவையாக இருக்க வேண்டும். அவற்றை அடிக்கடி சுத்தம் செய்யுங்கள்.

குழந்தை அழுவாதற்கான கரணங்கக்கள்>>>

குழந்தை பராமரிப்பு : 0 – 12 மாதம் வரை >>>