குழந்தை வளர்ப்பு டிப்ஸ் : 4-ஆம் மாதம்

4 மாத குழந்தை வளர்ப்பு

4 மாத குழந்தை வளர்ப்பு: என் குழந்தையின் முதல் வார்த்தை!

உங்கள் குழந்தையை சிரிக்க வையுங்கள்

உங்கள் குழந்தை வேகமாக மாற்றம் அடைகின்றது. அவளால் அடிப்படை சத்தங்களை ஏற்படுத்த முடியும். இந்த மாதம் அவள் ‘மா-மா’ என்பது போன்ற சத்தங்களையும் கூட ஏற்படுத்தலாம்! அவள் அப்படி செய்யவில்லை என்றால் வருத்தப்பட வேண்டாம். எல்லா குழந்தைகளும் பல்வேறு விகிதங்களில் வளர்ச்சி அடைகின்றன.

இதுவரை, அவளுக்கு உங்களுடைய முழு நேர கவனமும் தேவைப்பட்டது. இப்போது அவள் தன்னையே பெருமையாக நினைத்து சிலநேரம் மகிழ்ச்சியும் அடையலாம். தன் கைகளோடும், கால்களோடும் அவள் மகிழ்ச்சியாக விளையாடுவதை நீங்கள் காணலாம் !

இந்த வயதில், உங்கள் குழந்தை அன்பானவர்களுடன் அல்லது நம்பிக்கையான நண்பர்களுடன் இருப்பது நல்லது. அவள் வளரும்போது, சமூக திறன்களையும், பிறரோடு எவ்வாறு பேசுவது என்பதையும் கற்றுக்கொள்ள வேண்டிய தேவை உங்கள் குழந்தைக்கு இருக்கிறது. உங்கள் குடும்பத்தினர் அவளை தழுவிக்கொள்ள விரும்புவார்கள் ! நீங்கள் திரும்பி வந்ததும், நீங்களும் அவளை அதிகமாக கட்டித்தழுவிக்கொள்ளலாம்.

இன்னமும் உங்களோடு உறவாட அழுகையே உங்கள் குழந்தையின் சிறந்த வழிமுறையாக இருந்தாலும், அவள் சிரிக்கும் உணர்வையும் பெற்றுக்கொண்டு இருக்கிறாள். அவளிடம் ஒளிந்து விளையாடுங்கள். போர்வை விலகியதும் உங்கள் முகம் தெரியும்போது அவள் சிரிக்கிறாளா என்பதை கவனியுங்கள்.

இந்த வயதில் அவன் குப்புற படுத்திருந்தால், அவன் தன் கையை ஊன்றி தன் தலையையும் தோள்களையும் தூக்கலாம். உங்கள் குழந்தையால் முன்புறம் இருந்து பின்புறத்திற்கு பிறழவும் முடியக்கூடும். அவன் பொதுவாக பிறழும் பக்கத்திலே ஒரு பொம்மையை அசைத்துக்காட்டுவதன் மூலம் அவனை ஊக்கப்படுத்துங்கள். அவன் அவ்வாறு செய்யும்போது கைதட்டி, புன்னகை செய்யுங்கள் !

என் குழந்தைக்கு பல் முளைக்கிறது!

பெரும்பாலான குழந்தைகளுக்கு சுமார் 6 மாதங்களில் முதல் பல் தோன்றுகிறது. ஆனால் குழந்தைகளுக்கு 3 மாதங்களிலிருந்து 1 ஆண்டு வரையில் எந்த நேரத்திலும் முதல் பல் முளைக்கலாம். அது வழக்கமாக முன்புறம் கீழே தோன்றுகிறது.

உங்கள் குழந்தைக்கு பல் முளைக்குமானால், பின்வரும் அறிகுறிகளை நீங்கள் காணக்கூடும்:

  • ஈறுகள் சிவந்து வீங்கியிருத்தல் மற்றும் அதன் முகம் மற்றும் கன்னங்கள் சிவந்திருத்தல்
  • நிறைய எச்சில் வடிந்து கொண்டிருத்தல்
  • பல் முளைக்கும் அதே பக்கத்திலுள்ள தனது ஈறுகள் மற்றும் காதை தேய்க்க அது முயற்சித்தல்
  • வலி காரணமாக அது இரவில் விழித்தெழுதல்

உங்கள் குழந்தைக்கு 2 வயதாகும்போது, 20 பால் பற்களின் முழுத் தொகுதியையும் அது கொண்டிருக்க வேண்டும்.
பற்கள் தோன்றும்போதே உங்கள் குழந்தையின் பற்களைத் துலக்கத் தொடங்குவது நல்லது. உங்களிடம் இருக்கும் பட்சத்தில், மென்மையான டூத்பிரஷையும், சிறிதளவு பற்பசையையும் பயன்படுத்துங்கள். உங்கள் குழந்தையின் பற்கள் மற்றும் ஈறுகள் ஆகிய இரண்டின் மேற்பரப்புகளையும் சுத்தம் செய்ய முயற்சி செய்யுங்கள்.

குழந்தை வளர்ப்பு : நான்காம் மாதம்

பல் முளைக்கும்போது சில குழந்தைகள் உணவருந்த சிரமப்படும். பால் குடிக்க உங்கள் குழந்தை உறிஞ்சும்போது, வீங்கிய ஈறுகளில் அதிக இரத்தம் பாயும். ஈறுகள் கூருணர்வு மிக்கவை. இதன் காரணமாக குழந்தை தாய்ப்பாலருந்த மறுக்கலாம்.

பல் முளைப்பது குழந்தைகளுக்கு எரிச்சலூட்டி, அமைதியிழக்கச் செய்வது புரிந்து கொள்ளக்கூடியதே.

உங்களால் இயன்றவரை குழந்தையை அரவணைத்து, ஆறுதலளிக்க முயற்சி செய்யுங்கள்.

உங்கள் குழந்தையின் பல முளைக்கின்ற வலியைக் குறைப்பதற்கு தேனைப் பயன்படுத்தாதீர்கள். அதற்குப் பதிலாக, சுத்தமான மற்றும் பாதுகாப்பான ஏதேனும் ஒன்றை மெல்லுவதற்காகக் கொடுங்கள். அது விழுங்கக்கூடிய அளவிற்கு சிறியதாகவோ அல்லது சிறு துண்டுகளாக விழுந்துவிடக்கூடிய அளவிற்கு மிருதுவாகவோ இருக்கக்கூடாது. இவை குழந்தையின் தொண்டையில் அடைத்துக் கொள்ளக்கூடும்.

என் குழந்தையின் முதல் வார்த்தை!

உங்கள் குழந்தை பிறந்த நொடி முதல், அது பேசுவதற்குக் கற்கிறது.

உங்களுடன் அது முதலில் பேசுகின்ற வடிவம் அழுகையாகும். பசிக்கும்போது, அசௌகரியம் ஏற்படும்போது அல்லது களைப்பாக இருக்கும்போது அது அழுகிறது.

வளரும்போது, உங்கள் குழந்தை நீங்களும், தன்னைச் சுற்றியுள்ளவர்களும் சொல்வதைக் கேட்டு, உங்களைப்போலவே செய்ய முயற்சிக்கிறது. அது உங்களுடன் பேச விரும்புகிறது!

கண் தொடர்பை ஏற்படுத்திக் கொண்டு, உங்களால் முடிந்த அளவிற்கு உங்கள் குழந்தையுடன் பேசுங்கள். ஆட்கள் மற்றும் பொருட்களைப் பற்றிப் பேசும்போது, அவற்றைச் சுட்டிக்காட்டுங்கள்.
3 வது மற்றும் 4வது மாதங்களுக்கிடையில், குறைவாக அழுவதுடன், அதிக ஒலிகளை எழுப்புகிறது. தனது பெயரை அது அடையாளம் கண்டு கொள்கிறது. சிறிது தூரத்திலிருந்தபடி அதன் பெயரைச் சொல்லிக் கூப்பிட்டு, அது கவனிக்கிறதா என்று பாருங்கள்.

5 வது மற்றும் 6 வது மாதங்களுக்கிடையில், உங்கள் கவனத்தை ஈர்ப்பதற்காக, உங்கள் குழந்தை ஒலிகளை எழுப்புகிறது, மேலும் விளையாடும்போது தனக்குத்தானே மழலை ஒலிகளை எழுப்புகிறது. அது மீண்டும் மீண்டும் ‘பா’ அல்லது ‘மா’ போன்ற ஒலிகளை எழுப்பக்கூடும்.

7 வது மாதம் மற்றும் 1 வயதுக்கிடையில், அது புதிய ஒலிகளை முயற்சிப்பதுடன், நீங்கள் சொல்வதை அப்படிய சொல்ல முயற்சிக்கிறது. “பந்து” போன்ற நன்கு அறிந்த பொருட்களின் பெயர்களை அது அடையாளம் காண்கிறது.

சுமார் 1 வயதிலிருந்து, அது ஒன்றிரண்டு வார்த்தைகளைப் பயன்படுத்தத் தொடங்குவதுடன், அவற்றின் அர்த்தத்தையும் தெரிந்து கொள்கிறது.
15 மாதங்களாகியும் உங்கள் குழந்தை வார்த்தைகள் எதையும் பேசவில்லை என்ற கவலை உங்களுக்கு இருந்தால், ஒரு மருத்துவரிடம் பேசுங்கள்.

குழந்தை அழுவாதற்கான கரணங்கக்கள்>>>

குழந்தை பராமரிப்பு : 0 – 12 மாதம் வரை >>>

இந்த பதிவு பற்றிய தங்கள் கருத்துக்களை தெறிவிக்கவும்

உங்கள் கருத்தை இடுக...

வாழ்க தமிழ்… வளர்க தமிழினம்…

error: Content is protected !!
Logo
Register New Account
Reset Password
%d bloggers like this: